سابق نگراں وزیرِ اعظم محمد میاں سومرو نے انتظامی اور فیصلہ سازی کے اختیارات ضلع اور تحصیل سطح تک منتقل کرنے کی حمایت کر دی۔
ایک بیان میں انہوں نے کہا ہے کہ عوام کے قریب کیے جانے والے فیصلے بہتر طرزِ حکمرانی اور مؤثر عوامی خدمات کی فراہمی میں مددگار ثابت ہوتے ہیں۔
محمد میاں سومرو نے وسائل کی شفاف اور منصفانہ تقسیم کے لیے صوبائی، ضلعی اور تحصیل سطح پر فنانس ایوارڈز کو لازمی قرار دینے کی ضرورت پر زور دیا۔
الیکشن کمیشن نے محمد میاں سومرو کو ڈی نوٹیفائی کردیا
سابق نگراں وزیرِ اعظم نے سرکاری فنڈز کے درست استعمال کو یقینی بنانے کے لیے آزادانہ نگرانی، مسلسل آڈٹ اور سخت احتساب کا بھی مطالبہ کیا ہے۔
انہوں نے کہا ہے کہ مضبوط مقامی فیصلہ سازی اور مالیاتی احتساب سے گورننس اور عوامی خدمات کی فراہمی میں نمایاں بہتری لائی جا سکتی ہے۔
