خواجہ سرا کمیونٹی نے ٹرانس جینڈر ایکٹ، 2018 کے بارے میں وفاقی شرعی عدالت کے فیصلے پر سخت ناپسندیدگی کا اظہار کرتے ہوئے اسے مسترد کر دیا

اسلام آباد (آن لائن) خواجہ سرا کمیونٹی نے ٹرانس جینڈر ایکٹ، 2018 کے بارے میں وفاقی شرعی عدالت کے فیصلے پر سخت ناپسندیدگی کا اظہار کرتے ہوئے اسے مسترد کر دیا ہے اور اس فیصلے کے خلاف سپریم کورٹ سے رجوع کرنے پر غور شروع کردیا۔، ٹرانس جینڈر رائٹس کنسلٹنٹس پاکستان کی ڈائریکٹر نایاب علی نے کہا ہے کہ وفاقی شرعی عدالت کا فیصلہ ہمارے حقوق پر حملہ اور خواجہ سراوئں کے حقوق سلب کرنے کی کوشش ہے،پوری خواجہ سرا برادری پاکستان کے پہلے ٹرانس جینڈر رائٹس پروٹیکشن ایکٹ کے وفاقی شرعی عدالت کے فیصلے پر سوگ منا رہی ہے،،عدالت نے قرار دیا ہے کہ اس کے اراکین کو دی گئی قانونی شناخت ہماری برادری، ہمارے خود کے ادراک کی بنیاد پر، ایک غیر معمولی اور اکثر ذلت آمیز طبی تشخیص اسلام کے خلاف ہے، ہمیں عدالت کے نتائج سے دکھ ہوا ہے ہم عدالت کے نتائج کے خلاف سپریم کورٹ میں اپیل کرنے کا بھی ارادہ رکھتے ہیں، فیصلے کے بعد اگر کسی خواجہ سرا پر حملہ یا وہ قتل ہوا تو اسکے ذمہ دار فیصلے کرنے جج اور ایکٹ کیخلاف درخواست گزار ہونگے۔وفاقی شرعی عدالت کے فیصلے کے بعدنیشنل پریس کلب اسلام آباد میں ایک ہنگامی پریس کانفرنس کرتے ہوئے نایاب علی کا مزید کہنا تھا کہ کوئی بھی عدالت خواجہ سراوں سے انکے بنیادی انسانی حقوق چھین نہیں سکتی ہے یہ ملک ہمارا ہے کوئی ہماری شناخت نہیں مٹا سکتا انہوں نے کہا کہ جماعت اسلامی سیلاب اور زکواۃ کے پیسوں سے ہمارے خلاف مہم چلا رہی ہے مذہب کے نام پر سیاست کرنے والی غیر مقبول سیاسی جماعتیں ہمارے حقوق پر ڈاکے ڈالنا بند کریں اس موقع پر ایک نوجوان کاروباری ٹرانس جینڈرسارو عمران کا کہنا تھا کہ خاوجہ سراء 4000 سال پرانی کمیونٹی ہے۔ ہمارے ساتھ امتیازی سلوک کا سلسلہ جاری ہے انہوں نے کہاکہ وفاقی شرعی عدالت کیس میں سارو عمران کے وکیل جری حیدر کا کہنا تھا کہ خواجہ سرا بہت زیادہ مشکلات کا سامنا کرنے کے باوجود ایک متحرک اور خوبصورتی سے لچکدار گروپ ہیں وہ ان لوگوں کے سامنے کبھی دستبردار نہیں ہوں گے جو اپنے وجود کو مٹانا چاہتے ہیں انہوں نے کہاکہ جے یو آئی جیسی مذہبی جماعتیں جنہوں نے اس ایکٹ کے پاس ہونے کے بعد اس کے حق میں ووٹ دیا تھا مگر جب رائے عامہ کی لہر کمیونٹی کے خلاف ہو گئی تو اس کے خلاف سامنے آئیں انہوں نے کہاکہ آئین واضح طور پر کہتا ہے کہ اسلام کے احکام کی خلاف ورزی پر عدالت کے اس فیصلے کا اس وقت تک کوئی قانونی اثر نہیں پڑے گا جب تک کہ اپیل کے لیے مقررہ مدت گزر نہ جائے انہوں نے کہاکہ وفاقی اور صوبائی حکومتوں کے پاس اپیل دائر کرنے کے لیے چھ ماہ کا وقت ہے جب تک وہ وقت نہیں گزر جاتا اس وقت تک عدالت کے فیصلے کو ایکٹ کے تحت خواجہ سرا برادری کے موجودہ حقوق کو منسوخ نہیں سمجھا جانا چاہیے۔