
پاکستان نے راولپنڈی کرکٹ اسٹیڈیم میں کھیلے گئے دوسرے ٹیسٹ کے چوتھے روز جمعہ کو سری لنکا کو 8 وکٹوں سے شکست دے کر دو میچوں کی سیریز 1-0 سے اپنے نام کر لی۔ پہلا ٹیسٹ ڈرا ہوا تھا۔ ایسوسی ایٹڈ پریس کے مطابق یہ دو سال میں ٹیسٹ فارمیٹ میں پاکستان کی پہلی سیریز فتح ہے۔
سری لنکا کی ٹیم پہلی اننگز میں صرف 98 رنز پر آؤٹ ہوئی جس سے پاکستان کو 227 رنز کی برتری ملی۔ دوسری اننگز میں سری لنکا نے 316 رنز بنائے جس میں ملن رتنائیکے 66 رنز بنا کر ناٹ آؤٹ رہے۔
پاکستان نے 90 رنز کا ہدف 13 اوورز میں دو وکٹوں کے نقصان پر پورا کر لیا۔ اذان اویس 32 اور عامر جمال 22 گیندوں پر 34 رنز بنا کر ناٹ آؤٹ رہے۔ محمد عباس نے میچ میں 69 رنز دے کر 6 وکٹیں حاصل کیں، جبکہ فاسٹ بولر ثاقب خان ہیمسٹرنگ انجری کے باعث میچ سے باہر تھے۔



