پاکستان نے امریکی محکمہ خارجہ کے “مخصوص تشویش کا ملک” قرار د دینے کے بیان کو مسترد کردیا

اسلام آباد (آن لائن) پاکستان نے امریکی محکمہ خارجہ کی جانب سے “مخصوص تشویش کا ملک” قرار دیئے جانے کو دو ٹوک الفاظ میں مسترد کر دیا ہے۔ترجمان دفترخارجہ کی جانب سے جاری بیان میں کہا گیا ہے کہ ہمیں اس بات پر شدید مایوسی ہوئی ہے کہ یہ متعصبانہ اور من مانی تشخیص پر مبنی ہے، جو زمینی حقائق کے برعکس ہے۔پاکستان ایک تکثیری ملک ہے، جس میں بین المذاہب ہم آہنگی کی بھرپور روایت ہے۔ آئین کے مطابق، پاکستان نے مذہبی آزادی کو فروغ دینے اور اقلیتوں کے حقوق کے تحفظ کے لیے وسیع پیمانے پر اقدامات کیے ہیں، ترجمان دفترخارجہ کاکہناہے ہمیں گہری تشویش ہے کہ مذہبی آزادی کے سب سے بڑے اور مسلسل خلاف ورزی کرنے والے ہندوستان کو ایک بار پھر امریکی محکمہ خارجہ کی نامزد فہرست سے خارج کر دیا گیا ہے۔امریکی کمیشن برائے بین الاقوامی مذہبی آزادی (یو ایس سی آئی آر ایف) کی واضح سفارشات کے ساتھ ساتھ بین الاقوامی انسانی حقوق کے علمبرداروں کی جانب سے مذہبی اقلیتوں کے ساتھ بھارت کے ناروا سلوک کے بارے میں اٹھائے گئے عوامی خدشات کے مترادف ہے۔ہمیں یقین ہے کہ اس طرح کی امتیازی، یکطرفہ اور موضوعی مشقیں نقصان دہ ہیں، ترجمان نے کہا یہ عوامل عالمی سطح پر مذہبی آزادی کو آگے بڑھانے کے ہمارے مشترکہ مقصد کو نقصان پہنچاتی ہیں۔پاکستان اس بات پر پختہ یقین رکھتا ہے کہ مذہبی عدم برداشت، زینو فوبیا اور اسلامو فوبیا کے عصری چیلنج کا مقابلہ باہمی افہام و تفہیم اور احترام کی بنیاد پر تعمیری مشغولیت اور اجتماعی کوششوں کے ذریعے کیا جا سکتا ہے۔تاہم نامزدگی کے بارے میں پاکستان کے تحفظات سے امریکہ کو آگاہ کیا جا رہا ہے۔