نگران وزیراعظم انوار الحق کاکڑکا یواے ای میں قومی ہیروز کی یادگار وحت الکرامہ کادورہ

ابوظہبی(آن لائن) نگران وزیراعظم انوار الحق کاکڑ نے متحدہ عرب امارات (یواے ای) کے قومی ہیروز کی یادگار وحت الکرامہ کادورہ کیا، قومی ہیروز کا خراج عقیدت،یادگارشہدا پر فاتحہ خوانی اور پھول چڑھائے۔تفصیلات کے مطابق نگران وزیراعظم انوارالحق کاکڑ جو کہ متحدہ عرب امارات کے دور ے پر ہیں انہوں نے منگل کو متحدہ عرب امارات میں یواے ای کے قومی ہیروز کی یادگار وحت الکرامہ کا دورہ کیا، وزیراعظم کو یادگار شہداء پہنچنے پر گارڈ آف آنر پیش کیا گیا،وزیراعظم نے یادگارہ شہدا پر حاضری دی قومی ہیروز کی یادگار پر پھول چڑھائے،فاتحہ خوانی کی اور قومی ہیروز کو ان کے کارناموں اور بہادری پر خراج عقیدت پیش کیا، یادگار شہدا پر حاضری دینے کے بعد نگران وزیراعظم نے یادگار شہداء پر رکھی مہمانوں کی کتاب میں اپنے تاثرات بھی قلمبند کئے، تین ستونوں پر مشتمل یادگار پرقومی ہیروز کے نام کنند ہ ہیں، 46ہزار مربع کلو میٹر پر محیط یادگار شہدا شیخ زید گرینڈ مسجدکے مقابل تعمیر کی گئی ہے، یادگار وحت الکرامہ یواے ای کا ایک قومی اور ثقافتی مقام ہے۔