ایف بی آر نے جولائی سے ستمبرتک انکم ٹیکس ریفنڈز ادائیگیوں کا ٹارگٹ حاصل کر لیا

اسلام آباد(آن لائن) پاکستان اور آئی ایم ایف وفود کے درمیان مذاکرات، ایف بی آر نے جولائی سے ستمبرتک انکم ٹیکس ریفنڈز ادائیگیوں کا ٹارگٹ حاصل کر لیا۔ایف بی آر رپورٹ کے مطابق ستمبر 2023 تک انکم ٹیکس ریفنڈز ادائیگیاں 250 ارب روپے تک محدود کی جانی تھی، ایف بی آر نے ستمبر 2023 تک انکم ٹیکس ریفنڈز ادائیگیوں کو 200 ارب تک محدود کیا، آئی ایم ایف کیساتھ شئیر پلان کے مطابق انکم ٹیکس ریفنڈز ادائیگیوں میں بتدریج کمی کی جا رہی ہے، بریفنگ میں کہا گیا ہے قرض پروگرام میں رہتے ہوئے ایف بی آر نے پہلی سہہ ماہی کے دوران ٹیکس چھوٹ نہیں دی، ریونیو ٹارگٹ، ریفنڈز ادائیگیاں اور ٹیکس چھوٹ پر آئی ایم ایف شرائط پر عملدرآمد جاری ہے، آئی ایم ایف شرائط پر عملدرآمد کرتے ہوئے ایمنسٹی اسکیم بھی نہیں متعارف کرائی گئی، آئی ایم ایف شرائط پر عملدرآمد کرتے ہوئے ایمنسٹی اسکیم بھی نہیں متعارف کرائی گئی۔