نوازشریف کی آمد عوام کے لئے خوشحالی کا پیغام ہے،مریم اورنگزیب

لاہور (آن لائن) پاکستان مسلم لیگ (ن) کی مرکزی سیکرٹری اطلاعات مریم اورنگزیب نے کہا ہے کہ نوازشریف وزیراعظم تھے،ہیں اور چوتھی بار بنیں گے۔2013ء میں ملک دہشتگردی اور لوڈشیڈنگ کے بحران میں پھنسا ہوا تھا، آج بھی ملک میں معاشی بحران ہے، معاشی نقصان گزشتہ 16ماہ میں نہیں ہوا، معاشی تباہی گزشتہ پونے 4سال میں ہوچکی تھی، ہم نے ملک کو ڈیفالٹ ہونے سے بچایاہے،نے کہا کہ مسلم لیگ (ن) نے نوازشریف کی قیادت میں عزم وامید پریقین دلانے کا پروگرام بنایا ہے۔ انہوں نے مینار پاکستان گراؤنڈ میں جلسے کے انتظامات کا جائزہ لینے کے موقع پر میڈیا سے گفتگو کرتے ہوئے کہا کہ پاکستان کے عوام مشکلات میں گھری ہوئی ہے، نوازشریف کی آمد عوام کے لئے خوشحالی کا پیغام ہے، نوازشریف وزیراعظم تھے،ہیں اور چوتھی بار بنیں گے۔ ایوان وزیراعظم کے دروازے نوازشریف کے لئے 21اکتوبر کو کھل گئے ہیں۔انہوں نے کہا کہ سیاسی مخالفین کی نظر صرف اور صرف نوازشریف پر لگی ہوئی ہے، شہبازشریف نے 16ماہ میں ملک کو دیوالیہ ہونے سے بچایا۔مریم اورنگزیب نے کہا کہ نوازشریف کا آنا پاکستان کے لئے نئے عروج،خوشحالی اور ترقی کی نوید لیکر آرہا ہے، 2017میں مہنگائی ملک کی کم ترین سطح پر تھی۔صحافی نے سوال کیا کہ لگتا ہے انتخابات میں سولو فلائٹ مسلم لیگ (ن) کے لئے ہوگی؟۔ جس پر مریم اورنگزیب نے جواب دیا انشااللہ۔