ورلڈ بینک نے پاکستان کیلئے 25 کروڑ 80 لاکھ ڈالر کی منظوری دے دی

ورلڈ بینک نے پاکستان کیلئے 25 کروڑ 80 لاکھ ڈالر کی منظوری دے دی
سلام آباد (آن لائن) عالمی بینک نے پاکستان کے لئے 25 کروڑ 80 لاکھ ڈالر کی منظوری دے دی۔ قرض کی منظور ی پاکستان میں عالمی بنک کے بورڈ آف ڈائریکٹر نے دی۔عالمی بینک کے کنٹری ڈائریکٹر کی جانب سے جاری اعلا میے کے مطابق پاکستان کے لئے 25 کروڑ 80 لاکھ ڈالر کی منظوری دے دی ہے اور یہ فنڈزبنیادی ہیلتھ کیئر اور انسانی وسائل مضبوط بنانے پر خرچ ہوں گے۔کنٹری ڈائریکٹر ورلڈ بینک کا مزید کہنا تھا کہ پاکستان میں صحت کی سہولیات تک بہتر رسائی کیلئے اصلاحات کی جائیں گی، صوبائی ہیلتھ سسٹم کومضبوط بنانے میں بھی مدد دی جائے گی، جب کہ ہیلتھ کیئر کوریج، اسٹاف اور دواؤں کی سپلائی بہتر بنانے کے ساتھ ساتھ 20اضلاع کے لوگوں کو بنیادی ہیلتھ کی بہتر سہولیات میسر آسکیں گی۔ عالمی بنک کی جانب سے ملنے والی امداد سے مریضوں کی جدید رجسٹریشن کا نظام بھی قائم کیا جائیگا۔