لاہور پولیس آپریشنز ونگ/ سال 2022کی کارکردگی کے اعداد و شمار جاری

لاہور (آن لائن) ڈی آئی جی آپریشنز لاہورافضال احمد کوثر نے کہا ہے کہ شرپسندوجرائم پیشہ عناصر کی سرکوبی کیلئے لاہور پولیس دن رات کوشاں ہے۔ شہر لاہور کو کرائم فری سٹی بنانے کی پالیسی پر عمل پیرا ہیں۔نئے سال کے دوران بھی انتظامی سطح پر بہترین کارکردگی کے ذریعے عوامی توقعات پر پورا اتریں گے۔ڈی آئی جی آپریشنز افضال احمد کوثر نے آپریشنز ونگ کی سال 2022کی کارکردگی کے اعداد و شمار سے آگاہ کرتے ہوئے بتایا کہ مختلف جرائم میں مطلوب70ہزار 529ملزمان گرفتار کئے گئے۔شہر سے ڈکیتی کی وارداتوں کے تدارک کے لئے 692ڈکیت گینگز کے1614 ممبران گرفتارکئے گئے۔ملزمان کے قبضہ سے 10کروڑ75لاکھ روپے سے زائد مالیت کی ریکوری کر کے ورثاء کے حوالے کی گئی۔ دورانِ تفتیش ملزمان سے مزید921 مقدمات ٹریس کئے گئے۔شہر میں جاری کریک ڈاؤن کے دوران مجموعی طور پر25ہزار856 اشتہاری و عادی مجرمان گرفتار کئے گئے جن میں کیٹیگری اے کے2115 اوربی کے 23741 مجرمان شامل ہیں۔سال 2022 میں ناجائز اسلحہ کے خلاف گرینڈ آپریشن کے دوران6472ملزمان گرفتارکر کے 47 کلاشنکوف،538 رائفلز،230 بندوقیں،5441 پسٹلز،6کاربین اور35ہزارسے زائد گولیاں برآمدکی گئیں۔ منشیات کے خلاف کریک ڈاؤن کے دوران مجموعی طورپر9184 منشیات فروش گرفتار کر کے 16کلو 946گرام آئس، 54کلوگرام سے زائد ہیروئن،4042کلوگرام چرس،146کلوگرام افیون اور73431 بوتلیں شراب برآمد کی گئیں۔ قمار بازی میں ملوث4509 ملزمان گرفتار کر کے 01کروڑ روپے سے زائد ٹکڑی رقم برآمدکی گئی۔قحبہ خانوں کے خلاف کارروائی کے دوران585 مقدمات درج کر کے 1994 ملزمان گرفتار کئے گئے۔ہوائی فائرنگ میں ملوث ملزمان کے خلاف 986مقدمات درج کئے گئے۔ ون ویلنگ میں ملوث2373، پتنگ بازی6578، گداگری 3918، پرائس کنٹرول5099، میرج ایکٹ36، فارنرز 18 جبکہ لاؤڈاسپیکر ایکٹ کی خلاف ورزی پر 2878 ملزمان گرفتار کئے گئے۔