چنیوٹ میں بیوی اور 3 بچوں کے قتل کے مقدمے کے مرکزی ملزم کو گرفتار کر لیا گیا۔
پولیس کے مطابق بیوی اور 3 کمسن بچوں کے قتل کے مقدمے میں نامزد مرکزی ملزم کو دریائی پٹی کے قریب سے گرفتار کیا گیا۔
ملزم کی گرفتاری کے لیے پولیس کی مختلف ٹیموں نے متعدد ذرائع استعمال کیے، مرکزی ملزم کا بھائی پہلے سے گرفتار ہے، ملزم پر بیوی اور 3 کمسن بچوں کو قتل کرنے کا الزام ہے۔
گزشتہ دنوں ملزم نے مبینہ طور پر بیوی کے قتل کے بعد تینوں بچوں کو بھی قتل کر کے دفن کر دیا تھا۔
پولیس کا کہنا ہے کہ واقعے کی مزید تحقیقات کی جا رہی ہیں۔
