عالمی اور مقامی مارکیٹوں میں سونے کی قیمتوں میں اضافے کا رجحان بدستور جاری ہے، جس سے سرمایہ کاروں اور خریداروں کی توجہ ایک بار پھر اس قیمتی دھات کی جانب مبذول ہو گئی ہے۔
عالمی مارکیٹ میں آج فی اونس سونے کی قیمت میں 8 ڈالر کا اضافہ ریکارڈ کیا گیا، جس کے بعد نئی عالمی قیمت 4,716 ڈالر فی اونس کی سطح پر پہنچ گئی ہے۔
دوسری جانب، پاکستان کے مقامی صرافہ بازاروں میں بھی کاروباری ہفتے کے آغاز پر سونے کی قیمتوں میں اضافہ دیکھنے میں آیا۔ 24 قیراط فی تولہ سونا 800 روپے مہنگا ہو کر4 لاکھ 93 ہزار 962 روپے کی نئی سطح پر پہنچ گیا۔
اسی طرح، فی 10 گرام سونے کی قیمت 686 روپے اضافے کے بعد 4 لاکھ 23 ہزار 492 روپے ہو گئی ہے۔
چاندی کی قیمتوں میں تاہم استحکام دیکھا گیا ہے۔ مقامی مارکیٹ میں فی تولہ چاندی 8,049 روپے جبکہ فی 10 گرام چاندی 6,900 روپے کی سطح پر برقرار ہے۔
