انٹربینک میں ڈالر بے لگام، روپیہ کمزور،ڈالر 262 روپے کا ہوگیا

اسلام آباد (آن لائن) انٹربینک میں ڈالر کی اونچی اڑان جاری ہے اور روپے کے مقابلے کی ڈالر کی قدر میں تیزی سے اضافہ ہورہا ہے۔ جمعہ کے روز بھی انٹربینک میں کاروبار کے آغاز پر ڈالر کی قدر میں ایک روپے 57 پیسے اضافہ ہوا جس سے ڈالر 257 روپے کا ہوگیا۔کاروبار کے دوران ڈالر کی قیمت میں مزید اضافہ دیکھنے میں آیا ہے اور ایک امریکی ڈالر مجموعی طور پر 6 روپے 67 پیسے مہنگا ہوکر 262 روپے تک جا پہنچا ہے۔ دوسری جانب اوپن مارکیٹ میں ڈالر8 روپے مہنگا ہوکر 265 وپے میں ٹریڈ ہورہا ہے۔