چیئرمین سلیکشن کمیٹی شاہد آفریدی ٹیسٹ میچ دیکھنے نیشنل اسٹیڈیم پہنچ گئے

کراچی (آن لائن) پاکستان کرکٹ بورڈ (پی سی بی) کی عبوری سلیکشن کمیٹی کے چیئرمین شاہد خان آفریدی کراچی ٹیسٹ میچ دیکھنے کے لیے نیشنل اسٹیڈیم پہنچ گئے۔ پاکستان اور نیوزی لینڈ کے درمیان کراچی میں سیریز کے پہلے ٹیسٹ میچ کے چوتھے روز شاہد خان آفریدی بھی میچ دیکھنے کے لیے اسٹیڈیم پہنچے۔ شاہد آفریدی کے ہمراہ اسٹار فاسٹ بولر شاہین شاہ آفریدی بھی موجود تھے۔ عبوری سلیکشن کمیٹی کے چیئرمین نے وہاں موجود میڈیا نمائندوں سے غیر رسمی گفتگو بھی کی۔