وقت آگیا پوچھیں کہاں گیاپاناما؟ کہاں گیا وہ مانیٹری جج، کیپٹن (ر) صفدر

لاہور (آن لائن)مسلم لیگ ن کے رہنما کیپٹن ریٹائرڈ محمد صفدر کا کہنا ہے کہ اب وقت ہے کہ پوچھیں کہاں گیا وہ پاناما؟ کہاں گیا وہ مانیٹری جج؟ حکومتیں اللہ کی ہوتی ہیں، ا للہ لوگوں کو ذمے داریاں دے دیتا ہے۔ اپنی اہلیہ مریم نواز کو لندن کے لیے رخصت کرنے ایئر پورٹ آئے،جہاں انہوں نے میڈیا سے گفتگو کرتے ہوئے کہ میں تو ابھی ادھر ہی ہوں، میرے 26 مقدمے ابھی باقی ہیں، میرے مقدمے پنڈی، پشاور، گوجرانوالہ، لاہور اور مانسہرہ میں ہیں تو پھر میں کیسے جا?ں؟ کیپٹن (ر) صفدر کا کہنا ہے کہ یہ حکومتیں اللہ کی ہوتی ہیں، اللّٰہ لوگوں کو ذمے داریاں دے دیتا ہے، اللہ کرے ہماری جماعت یہ ذمے داری احسن طریقے سے نبھا سکے۔انہوں نے کہا کہ ڈا رصاحب کے آنے سے کافی تبدیلی نظر آئے گی، یہ مشکل وقت ہے، ظلم کا مقابلہ کرنا ضروری ہوتا ہے، ریاستِ پاکستان کے لیے تکلیفیں برداشت کرنی پڑیں گی۔مریم نواز کے شوہر نے مزید کہا کہ مریم لندن جا رہی ہیں، 3 سال بعد اپنے والد کو ملیں گی، جب سے ان کی والدہ فوت ہوئی ہیں، وہ اپنے بھائیوں سے نہیں مل سکیں۔کیپٹن(ر)صفدر کا یہ بھی کہنا ہے کہ گلے لگ کر جو بہن بھائی اپنی والدہ کے جنازے پر روتے ہیں مریم کا یہ ارمان آج پورا ہو گا۔