امریکی صدر ڈونلڈ ٹرمپ نے جمعہ کو پریس کانفرنس میں کہا کہ ایران معاہدہ چاہتا ہے لیکن ایسا نہیں جو ان کے لیے قابل قبول ہو، اور امریکا اصل معاہدہ چاہتا ہے، جعلی نہیں۔ خبر رساں ادارے اے پی کے مطابق ٹرمپ نے امریکی ویب سائٹ ایکسیوس کو بتایا ہے کہ وہ جنگ میں اگلے قدم کا فیصلہ نئے سال تک نہیں کریں گے۔
رواں ہفتے ایران نے خلیجی ہمسایوں پر حملوں کا دائرہ بڑھاتے ہوئے کویت میں ایک امریکی ایئر بیس کو نشانہ بنایا اور بحرین پر متعدد حملے کیے، جو بظاہر ایک روز قبل کیے گئے امریکی حملے کا جواب تھے۔ ایران نے آبنائے ہرمز میں امریکی تحفظ والی بحری گزرگاہ استعمال کرنے والے جہازوں پر بھی حملے بڑھا دیے ہیں۔
ایکسیوس کے مطابق امریکی ایلچی اسٹیو وٹکوف اور جیرڈ کشنر نے جمعرات کو برلن میں قطری حکام سے ملاقات میں امریکا ایران ثالثی پر بات کی۔ ایران کی جانب سے امریکا میں مبینہ ڈرٹی بم منصوبے سے متعلق سوال پر ٹرمپ نے کہا کہ امریکا ایسا نہیں ہونے دے گا۔



