الیکشن کمیشن آف پاکستان نے این اے46،47اور48کے حتمی نتائج روک دیئے

اسلام آباد (آن لائن) الیکشن کمیشن آف پاکستان نے امیدواروں کی شکایات پر کئی حلقوں کے حتمی نتائج روک دیئے۔ اسلام آباد کے تینوں حلقوں این اے 46، این اے 47 اور این اے 48 کے بھی حتمی نتائج روک دیئے، ان حلقوں پر نتائج آزاد امیدواروں نے چیلنج کئے تھے جب کہ الیکشن کمیشن نے آزاد امیدواروں تیمور سلیم جھگڑا اور کامران بنگش کے صوبائی حلقوں میں بھی حتمی نتائج جاری کرنے سے روک دیا۔بتایا جارہا ہے اس کے علاوہ عام انتخابات میں کامیاب امیدواروں سے انتخابی اخراجات کی تفصیلات طلب کرلی گئی ہیں، الیکشن کمیشن آف پاکستان نے عام انتخابات 2024ء میں کامیاب ہونے والے امیدواروں سے انتخابی اخراجات کی تفصیلات مانگ لی ہیں، اس حوالے سے نومنتخب امیدواران کو ہدایات جاری کی گئی ہیں کہ وہ جلدازجلد انتخابی اخراجات کی تفصیلات ریٹرنگ افسران کو جمع کرائیں، کاغذات جمع کرانے سے لے کر نتائج تک کے اخراجات کی تفصیلات جمع کرائیں جائیں۔