عید الفطر کے موقع پر خصوصی ٹرینیں چلانے کا اعلان

لاہور (آن لائن) حکومت نے اپنوں کے ساتھ عید منانے جانے والے مسافروں کے لئے عید الفطر پر پانچ اسپیشل ٹرینیں چلانے کا اعلان کردیا ہے محکمہ ریلوے نے تفصیلات جاری کردیں۔ریلوے حکام کے مطابق وزیر ریلوے خواجہ سعد رفیق کی ہدایت پر مسافروں کی سہولت اور عید پر سفر کرنے والوں کے رش کے پیش نظر اسپیشل ٹرینیں چلائی جا رہی ہیں، دو اسپیشل ٹرینیں کراچی سے لاہور جبکہ ایک کراچی تاپشاور چلائی جائے گی۔ حکام کے مطابق مسافروں کے رش کے باعث پہلے سے چلنے والی ٹرینوں کے ساتھ اضافی کوچز بھی لگائی جائیں گی، حکام نے ورکشاپس ڈویڑن کو اسپیشل ٹرینوں کیلئے اضافی بوگیاں فراہم کرنے کی ہدایت کردی ہے۔