ترجمان دفترِ خارجہ شفقت علی خان نے بتایا ہے کہ اٹلی کے وزیرِ خارجہ انتونیو تاجانی سے پاکستان کے نائب وزیرِ اعظم و وزیرِ خارجہ اسحاق ڈار کی ٹیلیفونک گفتگو ہوئی ہے۔
ترجمان دفترِ خارجہ نے بتایا ہے کہ اس موقع پر اسحاق ڈار نے بھارتی جارحیت اور پاکستان کی خودمختاری کی خلاف ورزی پر اٹلی کو اعتماد میں لیا۔
شفقت علی خان نے بتایا ہے کہ اسحاق ڈار نے اٹلی کے ہم منصب کو بتایا کہ بھارت نے پاکستان کی شہری آبادی کو نشانہ بنایا، بھارتی حملے میں خواتین و بچوں سمیت کئی شہری شہید ہوئے ہیں۔
ترجمان دفترِ خارجہ نے بتایا ہے کہ یورپی یونین کی سربراہ خارجہ امور کایا کالاس نے بھی وزیرِ خارجہ اسحاق ڈار کو ٹیلیفون کیا ہے، یہ ٹیلیفونک رابطہ کایا کالاس کی درخواست پر ہوا ہے۔
انہوں نے بتایا ہے کہ کایا کلاس سے 2 مئی کو بھی علاقائی صورتِ حال پر گفتگو ہوئی تھی، وزیرِ خارجہ نے مشکل وقت میں یورپی یونین کی حمایت اور یکجہتی پر شکریہ ادا کیا، اسحاق ڈار نے بھارت کے جنگی اقدام کی شدید مذمت کی۔
