قومی ٹیم کے کپتان شان مسعود کی پی سی بی سینٹرل کنٹریکٹ لسٹ میں ترقی

لاہور(آن لائن) پی سی بی نے سنٹرل کنٹریکٹ کی فہرست میں پاکستان کے ٹیسٹ کپتان شان مسعود کی کیٹیگری کو ڈی سے بی میں اپ گریڈ کرنے کا فیصلہ کیا ہے۔ یہ فیصلہ بورڈ کی پالیسی کے مطابق کیا گیا ہے کہ اگر اے یا بی کیٹیگری سے کم سنٹرل کنٹریکٹ والے کھلاڑی کو کپتان بنایا جاتا ہے تو ان کا کنٹریکٹ ہوگا۔ ان کی کپتانی کی مدت کے لیے کیٹیگری بی میں اپ گریڈ کیا گیا۔34 سالہ شان مسعود کو 15 نومبر 2023 کو آئی سی سی ورلڈ ٹیسٹ چیمپئن شپ 2023-25 سائیکل کے اختتام تک ٹیسٹ کپتان نامزد کیا گیا تھا۔ بائیں ہاتھ کے بلے باز نے 30 ٹیسٹ میچوں میں 1,597 رنز بنائے ہیں اور وہ 14 دسمبر سے آسٹریلیا کے خلاف شروع ہونے والی تین میچوں کی سیریز میں بطور کپتان اپنی پہلی اسائنمنٹ میں پاکستان کی قیادت کریں گے۔ سیریز کا پہلا ٹیسٹ 14 سے 18 دسمبر تک پرتھ میں کھیلا جائے گا۔ دوسرا ٹیسٹ 26 سے 30 دسمبر تک میلبورن میں ہوگا جب کہ تیسرا ٹیسٹ 3 سے 7 جنوری تک سڈنی میں کھیلا جائے گا۔