آئی پی ایل ٹرافی ڈسپلے میں پی ایس ایل کا آئیڈیا کاپی

لاہور (آن لائن ) انڈین پریمیئر لیگ (آئی پی ایل) سیزن 16 کا احمد آباد میں افتتاحی تقریب کے ساتھ آغاز ہوا۔میڈیارپورٹ کے مطابق ٹورنامنٹ ٹرافی کی نمائش کے لیے آئی پی ایل کی ڈرون ایل ای ڈی ٹیکنالوجی کے استعمال کو خاص طور پر پی ایس ایل کی افتتاحی تقریب سے ملتا جلتا دیکھا گیا۔ اس پروگرام میں مشہور ہندوستانی گلوکار ارجیت سنگھ اور اداکار تمنا بھاٹیہ اور رشمیکا مندنا نے بھی پرفارم کیا۔تاہم اس شو کی خاص بات ڈرون ٹیکنالوجی کا استعمال کرتے ہوئے ایک شاندار لائٹ شو تھا جس پر سوشل میڈیا پر تنازعہ کھڑا ہو گیا ہے۔ ٹویٹر پر بہت سے ناظرین نے آئی پی ایل پر پاکستان سپر لیگ (پی ایس ایل) سیزن آٹھ کی افتتاحی تقریب کی نقل کرنے کا الزام لگایا ہے، جس میں اسی طرح کے لائٹ شو کے لیے ڈرون ٹیکنالوجی کا بھی استعمال کیا گیا تھا۔ٹورنامنٹ ٹرافی کی نمائش کے لیے آئی پی ایل کا ڈرون ایل ای ڈی ٹیکنالوجی کا استعمال خاص طور پر اس سال کے شروع میں ملتان میں پی ایس ایل کی افتتاحی تقریب سے ملتا جلتا تھا۔