شاہین آفریدی نے پی ایس ایل کوالیفائر بخار کے ساتھ کھیلا، شاہد آفریدی کا انکشاف

لاہور (آن لائن)سا بق آل راؤنڈر شاہد آفریدی نے انکشاف کیا کہ لاہور قلندرز کے کپتان شاہین شاہ آفریدی نے گزشتہ چند دنوں سے بخار میں مبتلا ہونے کے باوجود ملتان سلطانز کے خلاف پاکستان سپر لیگ (پی ایس ایل) سیزن 8 کا کوالیفائر کھیلا۔ خطرات کے باوجود، شاہین نے جیت کو یقینی بنانے کے لیے کھیلا۔ایک انٹرویو میں شاہد آفریدی نے کہا کہ شاہین گزشتہ چند دنوں سے بخار میں مبتلا ہیں اور انہوں نے بدھ کے روز کا میچ بھی بخار کے ساتھ کھیلا تھا۔انہوں نے مزید کہا کہ اگر آپ کو بخار ہے تو مجھے نہیں لگتا کہ آپ کو کھیلنا چاہیے لیکن شاہین میچ جیتنا چاہتے تھے اور پھر فائنل تک آرام کرنا چاہتے تھے۔ شاہین آفریدی نے پی ایس ایل 8 کے 10 میچوں میں 8.61 کے اکانومی ریٹ کے ساتھ 14 وکٹیں حاصل کیں۔ آج رات کا میچ لاہور قلندرز کے لیے اہم ہے کیونکہ ایلیمینیٹر 2 میں وہ ایک بار پھر پشاور زلمی سے ٹکرائیں گے تاکہ یہ طے کیا جا سکے کہ پی ایس ایل 8 کا فائنل ملتان سلطانز کے خلاف کون کھیلے گا۔