روہت شرما کی قیادت میں بھارتی کرکٹ ٹیم T20 ورلڈ کپ کے لئے آسٹریلیا ر وانہ

ممبئی (آن لائن) روہت شرما کی قیادت میں بھارتی کرکٹ ٹیم 16 اکتوبر سے شروع ہونے والے T20 ورلڈ کپ کے لیے جمعرات کی صبح آسٹریلیا روانہ ہو گئی۔ 2021 میں آخری ایڈیشن میں سیمی فائنل میں جگہ بنانے میں ناکام رہنے کے بعد، 2007 کے چیمپئن اس بار ٹرافی اپنے نام کرنے کی کوشش کریں گے۔ٹیم انڈیا آسٹریلیا اور جنوبی افریقہ کے خلاف دو طرفہ سیریز جیت کر ورلڈ کپ سے پہلے بہتر پوزیشن پر ہے۔ بورڈ آف کنٹرول فار کرکٹ ان انڈیا کے سوشل میڈیا اکاؤنٹ نے ٹی 20 ورلڈ کپ کے لیے روانہ ہونے والی ٹیم انڈیا کی پوری ٹیم کی تصویر پوسٹ کی ہے۔