بالی ووڈ کی معروف اداکارہ پریانکا چوپڑا نے بھائی کی مہندی میں گانے ’مجھ سے شادی کروگی‘ پر ڈانس کیا، جس کی ویڈیو کلپ سوشل میڈیا پر بھی شیئر کی۔
پریانکا چوپڑا کے بھائی سدھارتھ چوپڑا 7 فروری کو اداکارہ نیلام اپادھیا کے ساتھ رشتہ ازدواج میں منسلک ہوجائیں گے، ان کی شادی کی تقریبات جاری ہیں، جس میں شرکت کیلئے پریانکا بھی اپنے شوہر کے ہمراہ بھارت تشریف لائی ہیں۔
فوٹوز اینڈ ویڈیوز شیئرنگ ایپ انسٹاگرام پر اداکارہ نے کچھ تصاویر اور ویڈیوز شیئر کی ہیں، جنہیں مداحوں کی جانب سے بھی کافی پسند کیا جارہا ہے۔
