اسلام آباد ہائیکورٹ نے ایڈووکیٹ ایمان مزاری کو وفاقی دارالحکومت سے باہر لے جانے سے روک دیا،تحریری فیصلہ جاری

اسلام آباد(آن لائن)اسلام آباد ہائیکورٹ نے ایڈووکیٹ ایمان مزاری کو وفاقی دارالحکومت سے باہر لے جانے سے روک دیا۔اپنے تحریری حکم میں اسلام آباد ہائیکورٹ نے سیکریٹری داخلہ، آئی جی اور ایف آئی اے کوہدایت کہ ہے کہ ایمان مزاری کو اسلام آباد سے باہر نا لے جایا جائے، بیس اگست کے بعد کے کسی وقوعہ میں ایمان مزاری کو گرفتار نا کیا جائے، جسٹس میاں گل حسن اورنگزیب نے تین صفحات پر مشتمل آرڈر جاری کر دیا۔سیکرٹری داخلہ کل تک صوبوں سے مقدمات کی تفصیل لیکر عدالت کو آگاہ کریں۔آئی جی اسلام آباد اور ایف آئی اے ایمان مزاری کے خلاف مقدمات کی تفصیل متعلق کل آگاہ کریں۔ایڈووکیٹ جنرل اسلام آباد ایاز شوکت کو بھی آج کے لئے نوٹس جاری کردیا گیا۔ایمان مزاری وکالت کے شعبہ سے وابسطہ ہیں تین مقدمات درج ہو چکے ہیں،عدالت پہلے ہی خفیہ مقدمات میں شہریوں کی گرفتار پر ناپسندیدگی کا اظہار کر چکی،پٹشنر شیریں مزاری کو خدشہ ہے بیٹی ایمان مزاری کو کسی اور مقدمہ میں بھی گرفتار کیا جا سکتا ہے۔