آئندہ الیکشن کا فیصلہ سب دوست مل کر کریں گے، راجہ ریاض

لاہور (آن لائن)اپوزیش لیڈر قومی اسمبلی راجہ ریاض نے کہا ہے کہ جیسے ہی اسمبلی تحلیل ہو گی اور میں جیسے ریٹائر ہوں گاآئندہ الیکشن لڑنے کا فیصلہ سب دوستوں کیساتھ مل بیٹھ کر کریں گے۔نجی ٹی وی انٹرویو میں راجہ ریاض نے کہا ہے کہ سب قومی اسمبلی سے ریٹائر ہونے کے بعد ایک ساتھ بیٹھیں گے اور متفقہ فیصلہ کیا جائے گا، امید ہے سب کا ایک ہی فیصلہ ہو گا۔انہوں نے کہا ہے کہ کوشش ہو گی کہ ایک اچھا فیصلہ ہو جو ملک کی بہتری کیلئے ہو، انشا اللہ فیصلہ کرنے کے بعد سب اس کا اعلان کریں گے۔راجہ ریاض نے کہا ہے کہ ہماری تعداد 21 ہے اور کوشش ہے ہم سب کا ایک اچھا فیصلہ ہو، تقریباً اس پر سارے دوست متفق ہیں۔انکا مزید کہنا تھا کہ میری دعا ہے کہ ہم سب اکٹھے رہیں،جس پارٹی میں بھی اکٹھے جائیں گے وہاں ہماری عزت ہو گی اوراْس پارٹی کو بھی فائدہ پہنچے گا۔