وزارت پارلیمانی امور نے قومی اسمبلی تحلیل کا نوٹیفکیشن جاری کردیا

اسلام آباد (آن لائن) وزارت پارلیمانی امور نے قومی اسمبلی تحلیل کا باضابطہ نوٹیفکیشن جاری کر دیا۔صدر مملکت ڈاکٹر عارف علوی نے وزیراعظم شہباز شریف کی جانب سے بھجوائی گئی سمری پر دستخط کردیئے جس کے بعد قومی اسمبلی اور کابینہ تحلیل ہو گئی، باضابطہ نوٹی فکیشن جاری ہونے کے بعد جمعرات کو آخری قانونی مرحلہ بھی مکمل ہو گیا۔ وزیر اعظم نے قومی اسمبلی تحلیل کرنے کیلئے صدر مملکت ڈاکٹر عارف علوی کو سمری ارسال کی تھی جس کی توثیق کرتے ہوئے گزشتہ روز انہوں نے سمری پر دستخط کر دیئے، صدر نے اسمبلی تحلیل کرنے کی منظوری آئین کے آرٹیکل 58 ایک کے تحت دی۔قومی اسمبلی تحلیل ہونے کے بعد نگران وزیر اعظم کی تقرری تک شہباز شریف عہدے پر کام جاری رکھیں گے۔