پیوٹن خاتون ہوتے تو کبھی یوکرین پر حملہ نہ کرتے،بورس جانسن

برلن(آن لائن) برطانوی وزیر اعظم بورس جانسن نے کہا ہے کہ روسی صدر نے زہریلی مردانگی کا مظاہرہ کرتے ہوئے یوکرین پر حملہ کیا، اگر وہ ایک خاتون ہوتے تو کبھی ایسا نہ کرتے۔ برطانوی وزیر اعظم بورس جانسن نے اس بات پر زور دیا کہ اب دنیا بھر میں لڑکیوں کے لیے بہتر تعلیم اور اقتدار کے عہدوں پر زیادہ سے زیادہ خواتین شمولیت پر کام کیا جائے۔ برطانوی وزیر اعظم نے کہا کہ سب جنگ کا خاتمہ چاہتے ہیں لیکن فی الحال کوئی امکان نہیں نظر ا?تا کیوں کہ پوٹن امن کی پیشکش نہیں کر رہے ہیں۔انہوں نے اس بات پر بھی زور دیا کہ مغربی اتحادیوں کو یوکرین کی حمایت کرنی چاہیے تاکہ روس کے ساتھ امن مذاکرات ممکن ہونے کی صورت میں اسے بہترین ممکنہ سٹریٹجک پوزیشن میں رکھا جا سکے۔