ہم جیسی غذا کھاتے ہیں ویسی نظر آتے ہیں، جو غذائیں ہم کھاتے ہیں، ان کا ہماری صحت، شخصیت اور جلد پر گہرا اثر پڑتا ہے۔
کون ہے جو دیر پا جوان نظر نہیں آنا چاہتا، کئی جوان دکھائی دینے کے لیے خواتین اینٹی ایجنگ کریموں کا استعمال کرتی ہیں جو کسی حد تک ٹھیک ہے۔
تایم دیر پا جوان نظر آنا چاہتے ہیں تو صحت بخش غذائیں اپنی روز مرہ کی خواراک میں شامل کرنا ضروری ہے اور اس کے ساتھ ہی اپنے لائف اسٹائل میں بھی مثبت تبدیلیاں لائی جائیں۔
اس کی ایک عام فہم وجہ یہ بھی ہے کہ آپ جب تک اپنی جلد کے اندرونی ڈھانچے اور مدافعتی نظام کو بحال نہیں کریں گی، آپ اپنی جلد کو دیرپا تروتازہ اور جواں نہیں رکھ پائیں گی۔
طبی ماہرین کے مطابق مخصوص غذائیں ایسی ہیں جنہیں اپنی روز مرہ کی خواراک میں شامل کرنے سے بڑھتی عمر کے اثرات سے محفوظ رہا جاسکتا ہے۔
اس کا مطلب یہ ہوا کہ آپ کو تروتازہ، چمکدار اور جواں سال جلد حاصل کرنے کے لیے پلاسٹک سرجن کے پاس جانے کی ضرورت نہیں ہے۔
