اسلام آباد (آن لائن) وزیراعظم نے مختلف وزارتوں اور ڈویژنوں کے حوالے سے سینیٹ میں پارلیمانی کارروائی کے لئے وزیر پارلیمانی امور مرتضیٰ سولنگی کو نامزد کر دیا، نوٹیفیکیشن کے مطابق وزیر پارلیمانی امور مرتضیٰ سولنگی کو پریذیڈنٹ سیکریٹریٹ، وزیراعظم آفس، کابینہ سیکریٹریٹ، نیشنل سیکورٹی ڈویڑن، تخفیف غربت و سماجی تحفظ، ہا ؤسنگ اینڈ ورکس ڈویڑن، بین الصوبائی رابطہ ڈویڑن، امور کشمیر و گلگت بلتستان ڈویژن، ریاستی سرحدی ریجنز ڈویژن کے لئے سینیٹ میں پارلیمانی کارروائی کے لئے نامزد کیا گیا ہے۔ان وزارتوں، ڈویژنوں اور دفاتر کے قلمدان بحیثیت انچارج وزیر وزیراعظم کے پاس ہیں۔
