یروشلم (آن لائن ) اسرائیل پر غزہ جنگ کے اسرائیل معیشت پرمنفی اثرات نظر آنے لگ گئے،اسرائیل کی نہتے فلسطینیوں پر وحشیانہ بمباری کے نتیجے میں اسرائیلی معیشت کو یومیہ یومیہ 26 کروڑ ڈالرز کا نقصان پہنچ رہا ہے جبکہ آنیوالے دنوں میں غزہ جنگ کی وجہ سے اسرائیلی معیشت کو 50 ارب ڈالرز کا نقصان ہو سکتا ہے۔اسرائیل کی وزارتِ افرادی قوت کی جانب سے کہا گیا ہے کہ غزہ پر جنگ کی وجہ سے ورک فورس میں 20 فیصد کمی آگئی ہے۔برطانوی میڈیا کے مطابق جنگ کے باعث اسرائیل کی کرنسی شیکل 2012ء کے بعد کم ترین سطح پر آ چکی ہے، جنگ کے بعد امریکی ڈالر کے مقابلے اسرائیلی کرنسی کی قدر میں 0.7 فیصد کمی ہوئی ہے۔عرب میڈیا کے مطابق اسرائیل کی 500 ارب ڈالر کی معیشت مشرقوسطیٰ کی بڑی معیشتوں میں سے ایک ہے، غزہ میں اسرائیل کی جنگ اسرائیلی معیشت کو نقصان پہنچانیکا سبب بن رہی ہے۔عالمی بینک بھی غزہ جنگ کے دنیا کی معیشت پر سنگین اثرات مرتب ہونے سے خبردار کرچکا ہے۔
